من زمان وأنا براسي وبقلبي وبعقلي فيه حلم، وهالحلم الصغير كان على ورق وهلّق يوم عن يوم عم يصير حقيقة. شغفي دايمًا كان التّصميم وخلق شي بيشبهني، بيعبّر عنّي وعن شخصّيّة كلّ حدا، عن مين هو وشو بيحبّ. بلّشت هالمشروع من أفكار بسيطة ورسومات على دفتر، واليوم صار ماركة ألبسة مبنيّة على تفاصيل، وحُبّ وإصرار كبير لتحويل الأحلام لواقع.

حُبّ واَمَلْ، هي أوّل مجموعة رح تنعرض، لتضلّ تذكار انّه بالحُبّ وبالأمل كلّ شي بيصير.

هيدا المشروع هو واحد من أحلامي الكتيرة، وبعدني بأولّ الطّريق. شكر كبير لكل حدا عم يدعمني ويمشي معي، وجودكم هو كلّ حُبّ واَمَل عم ينشكّ بكلّ تصميم، وبكلّ غرزة... غ.ف